കാലടി: സ്വകാര്യ ബസ്സ്റ്റാൻഡിനുസമീപം എം.സി. റോഡിൽ പെട്രോൾ പമ്പിന് മുന്നിൽ നടന്ന വാഹനാപകടത്തിൽ ഒരാൾ മരിച്ചു. അമിതവേഗത്തിൽ വന്ന ടോറസ് ലോറി ഇടിച്ച് തെക്കേപ്പറമ്പിൽ കെ.പി. ഷാജുവാണ് (59) മരിച്ചത്. ബുധനാഴ്ച രാവിലെ 7.45നായിരുന്നു അപകടം. ബൈക്ക് ഓടിച്ചിരുന്ന ഷാജുവിനെ പിന്നാലെ വന്ന ടോറസ് ഇടിച്ച് തെറിപ്പിക്കുകയായിരുന്നു. റോഡിൽ വീണ ഷാജുവിന്റെ ശരീരത്തിലൂടെ വാഹനം കയറുകയും തൽക്ഷണം മരിക്കുകയുമായിരുന്നു.
