പറവൂർ: നിയന്ത്രണംവിട്ട ലോറി ബൈക്കിലിടിച്ച് വിദ്യാർഥി മരിച്ചു. കൂടെ യാത്ര ചെയ്ത സുഹൃത്തിന് പരിക്കേറ്റു. ഗോതുരുത്ത് കടൽവാതുരുത്ത് അറത്തറ ആനന്ദന്റെയും ജയയുടെയും മകൻ അഭിനന്ദാണ് (നന്ദു -21) മരിച്ചത്. ചൊവ്വാഴ്ച രാത്രി 10.30ന് ദേശീയപാത 66ൽ ലേബർ കവലക്കും മൂത്തകുന്നത്തിനും ഇടയിലാണ് അപകടം നടന്നത്. സുഹൃത്ത് ദീപക്കുമൊത്ത് ബൈക്കിൽ മൂത്തകുന്നം ഭാഗത്തേക്ക് പോകുകയായിരുന്നു. ഇരുമ്പനത്തുനിന്ന് കോഴിക്കോട്ടേക്ക് ഇതേ ദിശയിൽ സഞ്ചരിച്ച ടാങ്കർ ലോറിയിൽ തട്ടി ബൈക്ക് മറിഞ്ഞു. ലോറിയുടെ അടിയിലേക്ക് വീണ അഭിനന്ദിന്റെ ദേഹത്ത് ടാങ്കർ ലോറിയുടെ പിൻചക്രം കയറി തൽക്ഷണം മരിച്ചു. കളമശ്ശേരി ഐ.ടി.ഐ വിദ്യാർഥിയാണ് അഭിനന്ദ്. സഹോദരങ്ങൾ: അഭിനാഥ്, സേതുലക്ഷ്മി.
