ഷൊർണൂർ: ബുധനാഴ്ച കൊച്ചിപ്പാലത്തിന് സമീപം ഭാരതപ്പുഴയിൽ കാണാതായ യുവാവിന്റെ മൃതദേഹം കണ്ടെത്തി. ചെറുതുരുത്തി ഇരട്ടക്കുളം തടത്തിലകത്ത് ഫൈസൽ (43) ആണ് മരിച്ചത്. വ്യാഴാഴ്ച വൈകീട്ട് നാലോടെ കൊച്ചിപ്പാലത്തിന് സമീപത്ത് നിന്ന് തന്നെയാണ് മൃതദേഹം കിട്ടിയത്‌. ചെറുതുരുത്തി പൊലീസ് മേൽനടപടികൾ സ്വീകരിച്ച് പോസ്റ്റ്മോർട്ടത്തിനായി തൃശൂർ മെഡിക്കൽ കോളജ് മോർച്ചറിയിലേക്ക് മാറ്റി. ചെറുതുരുത്തി വെട്ടിക്കാട്ടിരി മത്സ്യമാർക്കറ്റിലെ തൊഴിലാളിയായിരുന്നു ഫൈസൽ. ഭാര്യ: ആയിശ. മക്കൾ: സനു അക്ബർ, ഷാനിബ്. ബുധനാഴ്ച വൈകീട്ട് നാലോടെ മറ്റ് മൂന്ന് പേരോടൊപ്പം പുഴയിലിറങ്ങിയ ഫൈസൽ ഒഴുക്കിൽ പെടുകയായിരുന്നു.ഇയാളെ രക്ഷിക്കാനിറങ്ങിയ നീന്തൽ വിദഗ്ധനും മുൻ ഷൊർണൂർ നഗരസഭാംഗവുമായ രാമകൃഷ്ണൻ (62) രക്ഷാപ്രവർത്തനത്തിനിടെ മരിച്ചിരുന്നു
