ഹരിപ്പാട്: കാറുകള്‍ കൂട്ടിയിടിച്ച് വയോധികൻ മരിച്ചു. മൂന്ന് പേര്‍ക്ക് പരിക്കേറ്റു. ചേപ്പാട് വലിയകുഴി മഠത്തിൽ ആർ.സി ഭവനത്തിൽ രാമചന്ദ്രൻ നായരാണ് (81) മരിച്ചത്.
രാമചന്ദ്രൻ നായരുടെ ഭാര്യ കോമളകുമാരി (66), കാർ ഓടിച്ച ക്ലാപ്പന കൈപ്പള്ളിവീട്ടിൽ വത്സൻ (56) ,വത്സന്റെ ഭാര്യ ശ്രീജ (46) എന്നിവർക്കാണ് പരിക്കേറ്റത്. രാമചന്ദ്രൻ നായർ സംഭവസ്ഥലത്തുതന്നെ മരിച്ചിരുന്നു. ശനിയാഴ്ച വൈകീട്ട് നാലോടെ നങ്ങ്യാർകുളങ്ങര- തട്ടാരമ്പലം റോഡിൽ ഇത്താംപള്ളി ജങ്ഷനു സമീപമാണ് അപകടം നടന്നത്. കോട്ടയത്തുനിന്ന് ചേപ്പാടേക്കു വരുകയായിരുന്നു മാരുതി കാറും തൃക്കുന്നപ്പുഴയിൽനിന്ന് മാവേലിക്കരയിലേക്ക് പോകുകയായിരുന്ന ഇന്നോവ കാറും തമ്മിൽ കൂട്ടിയിടിക്കുകയായിരുന്നു.
