കോതമംഗലം: തിരുഹൃദയ സന്യാസിനി സമൂഹം കോതമംഗലം ജ്യോതി പ്രൊവിൻസ് അംഗം സിസ്റ്റർ ചെൽസിയൂസ് ഊന്നുകല്ലാമറ്റത്തിൽ എസ്.എച്ച് (78) നിര്യാതയായി. ആയവന, മുതലക്കോടം, നെടിയകാട്, ചെമ്മണ്ണാർ, ഏഴുമുട്ടം, തഴുവംകുന്ന്, ചാലാശ്ശേരി എന്നീ സ്കൂളുകളിൽ അധ്യാപികയായും രാജകുമാരി, മീങ്കുന്നം എന്നീ സ്കൂളുകളിൽ പ്രധാനാധ്യാപികയായും മാർ മാത്യൂസ് പ്രസ് മൂവാറ്റുപുഴ, രണ്ടാർ, തോട്ടക്കര എന്നീ മഠങ്ങളിൽ അംഗമായും സേവനം ചെയ്തിട്ടുണ്ട്. നെടിയകാട് ഊന്നുകല്ലാമറ്റത്തിൽ പരേതരായ കുര്യൻ-മോനിക്ക ദമ്പതികളുടെ മകളാണ്. സഹോദരങ്ങൾ: സിസ്റ്റർ റോസ് കുര്യൻ (നിർമല നിവാസ്, അസം), അഗസ്റ്റിൻ, സെബാസ്റ്റ്യൻ, തങ്കമ്മ കുര്യൻ, പരേതരായ അച്ചാമ്മ ഫിലിപ്, ജോസഫ്, സിസ്റ്റർ മരിയ ഗൊരേത്തി (സെന്‍റ് ലൂഡ്സ് കോൺവന്‍റ്). സംസ്കാരം വ്യാഴാഴ്ച രാവിലെ 11ന് മൈലക്കൊമ്പ് തിരുഹൃദയ മഠം സെമിത്തേരിയിൽ.
