കൂത്താട്ടുകുളം: ഇടയാറിലെ കടയിൽ വളം നിറച്ച ചാക്ക് ഇറക്കി അട്ടിയിടുന്നതിനിടെ ചാക്കിനടിയിൽപെട്ട് മധ്യവയസ്കൻ മരിച്ചു. ഇടയാർ തെക്കേ അമ്പാട്ട് ടി.സി. സോമനാണ് (50) മരിച്ചത്. ഇടയാറിൽ സഹകരണ സംഘം വക വളം വിൽപനശാലയിലാണ് സംഭവം. ചാക്ക് അട്ടിയിടുന്നതിനിടെ വീണ് ഭിത്തിക്കും ചാക്കിനുമിടയിലായ സോമന്‍റെ തലക്ക് പരിക്കേറ്റു. കോട്ടയം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. ഭാര്യ: ബിന്ദു. മക്കൾ: ദർശന, വിഷ്ണു. മരുമകൻ: സതീഷ് മലയാറ്റൂർ. സംസ്കാരം വ്യാഴാഴ്ച വൈകീട്ട് നാലിന് വീട്ടുവളപ്പിൽ.
