പന്തളം: റേഷൻ കടയിലേക്ക് അരി ഇറക്കുന്നതിനിടെ ചാക്ക് ദേഹത്ത് വീണ് ജീവനക്കാരൻ മരിച്ചു. പന്തളം, മുടിയൂർക്കോണം കല്ലിരിക്കുന്നതിൽ വീട്ടിൽ എ. ഗോപാലകൃഷ്ണനാണ് (69) മരിച്ചത്. കഴിഞ്ഞ 31ന് രാവിലെ 11.30ഒാടെ കുന്നിക്കുഴി മുക്കിലുള്ള ചന്ദ്രന്റെ റേഷൻ കടയിലാണ് സംഭവം. അരിച്ചാക്ക് ദേഹത്ത് വീണ് ഗുരുതരാവസ്ഥയിൽ ചികിത്സയിലായിരുന്ന ഗോപാലകൃഷ്ണൻ ബുധനാഴ്ചയാണ് മരിച്ചത്. ഭാര്യ: പി.കെ. ഭവാനി. മക്കൾ: ബൈജു (ഐ.എഫ്.ബി), ഷൈജു. മരുമകൾ: ഗീതമോൾ. സംസ്കാരം വ്യാഴാഴ്ച ഉച്ചക്ക് മൂന്നിന് വീട്ടുവളപ്പിൽ.