കോട്ടയം: ചിങ്ങവനം കരിമ്പുംകാല കടവിൽ അജ്ഞാതന്റെ മൃതദേഹം കണ്ടെത്തി. ബുധനാഴ്ച രാവിലെയാണ് 40 വയസ്സ് പ്രായം തോന്നിക്കുന്ന പുരുഷന്റെ മൃതദേഹം കണ്ടെത്തിയത്. ഏതാനും ദിവസം പഴക്കമുള്ള മൃതദേഹം അഴുകിയ നിലയിലായിരുന്നു. മൃതദേഹം കോട്ടയം മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. പോസ്റ്റ്മോർട്ടത്തിനുശേഷമേ, മരണകാരണം വ്യക്തമാകൂവെന്ന് ചിങ്ങവനം പൊലീസ് പറഞ്ഞു.
