തലയോലപ്പറമ്പ്: മൂവാറ്റുപുഴയാറിന് സമീപമുള്ള കുളിക്കടവിൽ വീണ് കാണാതായ വീട്ടമ്മയുടെ മുതദേഹം കണ്ടെത്തി. മറവന്തുരുത്ത് മാടക്കാട്ട് പുഞ്ചയിൽ ഏലിയാസിന്‍റെ ഭാര്യ ബീനയെയാണ് (62) കഴിഞ്ഞദിവസം പുഴയിൽവീണ് കാണാതായത്. കുളിക്കടവിൽ ഇവരുടേതെന്ന് സംശയിക്കുന്ന വസ്ത്രങ്ങളും ചെരിപ്പും കണ്ടെത്തിയിരുന്നു. തുടർന്ന് വൈക്കം - കടുത്തുരുത്തിയിൽനിന്നും അഗ്നിരക്ഷാസേനാംഗങ്ങൾ രാത്രി വൈകുംവരെ തിരച്ചിൽ നടത്തിയെങ്കിലും കണ്ടെത്തിയില്ല. ബുധനാഴ്ച രാവിലെയോടെ സ്കൂബാ ടീം മൂവാറ്റുപുഴയാറിന്‍റെ വിവിധഭാഗങ്ങളിൽ നടത്തിയ തിരച്ചിലിലാണ് നേരേകടവ് ഭാഗത്തുനിന്നും വൈകീട്ടോടെ മൃതദേഹം കണ്ടെത്തിയത്. മക്കൾ: സോമി, ജോബി. മൃതദേഹം വൈക്കം താലൂക്കാശുപത്രി മോർച്ചറിയിൽ.
