തൊടുപുഴ: റോഡ് മുറിച്ചുകടക്കുന്നതിനിടെ കാറിടിച്ച് യുവാവ് മരിച്ചു. തൊടുപുഴ വെങ്ങല്ലൂർ കവണിപ്പറമ്പിൽ സിദ്ദീഖിന്റെ മകൻ സിനോജ് സിദ്ദീഖാണ് (39) മരിച്ചത്. വെങ്ങല്ലൂർ - കോലാനി ബൈപാസിൽ ബുധനാഴ്ച രാത്രി 10.30ഓടെയാണ് അപകടം. റോഡ് കുറുകെ കടക്കുമ്പോൾ സിനോജിനെ കാറ് ഇടിച്ചുവീഴ്ത്തുകയായിരുന്നു. ഉടൻ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മാതാവ്: നൂർജി. ഭാര്യ: ബീമ. മക്കൾ: സൈഫുള്ള, നൂറ ഫാത്തിമ.
