അടിമാലി: ഹൈറേഞ്ചിലെ ആദ്യകാല പത്രപ്രവർത്തകനും സാമൂഹിക പ്രവർത്തകനും വെള്ളത്തൂവലിലെ ആദ്യകാല വ്യാപാരിയുമായ വെള്ളത്തൂവൽ മങ്ങാട്ട് എം.കെ. ഫക്രുദീൻ (76) നിര്യാതനായി. വിവിധ പത്രങ്ങളുടെ പ്രാദേശിക ലേഖകനും ഏജന്‍റുമായിരുന്ന ഫക്രുദീൻ വെള്ളത്തൂവലിലെ വാർഡ് കോൺഗ്രസ് പ്രസിഡന്‍റായും വെള്ളത്തൂവൽ മണ്ഡലം ജനറൽ സെക്രട്ടറിയായും പ്രവർത്തിച്ചിരുന്നു. ഭാര്യ: കല്ലാർകുട്ടി തണ്ടിയേക്കൽ കുടുംബാംഗം മീര. മക്കൾ: അജയ് പി. മങ്ങാട്ട് (അസി. എഡിറ്റർ, മലയാള മനോരമ), സജയ് പി. മങ്ങാട്ട് (എ.എസ്.ഐ, ദേവികുളം പൊലീസ് സ്റ്റേഷൻ), നിഷ പി. മങ്ങാട്ട് (വനിത സീനിയർ സിവിൽ പൊലീസ് ഓഫിസർ, വെള്ളത്തൂവൽ സ്റ്റേഷൻ). മരുമക്കൾ: മഞ്ജു (അധ്യാപിക, സിൽവർ ഹിൽസ്, കോഴിക്കോട്), ഡെയ്സി (കോൺഗ്രസ് ബ്ലോക്ക് സെക്രട്ടറി), ടി.എം. അബ്ബാസ് തേലക്കൽ (എ.എസ്.ഐ, അടിമാലി പൊലീസ് സ്റ്റേഷൻ). ഖബറടക്കം ഞായറാഴ്ച രാവിലെ 11ന് തെക്കേ ശെല്യാംപാറ ജുമാ മസ്ജിദ് ഖബർസ്ഥാനിൽ.
