മണ്ണഞ്ചേരി: ദേശീയ പാതയിൽ കലവൂർ ജങ്ഷന് തെക്ക് കാറിടിച്ച് കാൽനട യാത്രികൻ മരിച്ചു. കലവൂർ പ്രസന്ന സദനത്തിൽ പ്രസന്നനാണ് (72) മരിച്ചത്. വെള്ളിയാഴ്ച രാത്രിയായിരുന്നു അപകടം. കലവൂരിലെ കടയിൽ പോയി മടങ്ങുമ്പോൾ റോഡ് മുറിച്ച് കടക്കവേ കാർ ഇടിക്കുകയായിരുന്നു. ഗുരുതരമായി പരിക്കേറ്റ പ്രസന്നനെ ആലപ്പുഴയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. ഭാര്യ: നളിനി. മക്കൾ: കണ്ണൻ, ചിത്ര. മരുമക്കൾ: കൃഷ്ണപ്രിയ, അശ്വിൻ ദിലീപ്.
