ചെറായി: സൈക്കിളില്‍ ബസ് ഇടിച്ച് ട്യൂഷന് പോയ പ്ലസ്‌ വണ്‍ വിദ്യാർഥി മരിച്ചു. അയ്യമ്പിള്ളി മാന്ത്രപ്പറമ്പില്‍ അനോജിന്‍റെ മകന്‍ അജിത്താണ് (16) മരിച്ചത്. ചെറായി രാമവര്‍മ യൂനിയന്‍ ഹൈസ്‌കൂളിന് വടക്കുവശം ശനിയാഴ്ച ഉച്ചക്ക് ഒന്നരയോടെയാണ് സംഭവം. വൈപ്പിന്‍ റൂട്ടിലോടുന്ന ‘കുട്ടൂസ്’ ബസാണ് ഇടിച്ചത്. ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല. നന്ത്യാട്ട്കുന്നം ഹയര്‍ സെക്കൻഡറി സ്‌കൂൾ പ്ലസ്‌ വണ്‍ കമ്പ്യൂട്ടര്‍ സയന്‍സ് വിദ്യാർഥിയാണ്. മാതാവ്: സുനിത. സഹോദരന്‍: അഭിജിത്.
