മാനന്തവാടി: ബൈക്കിടിച്ച് വഴിയാത്രക്കാരൻ മരിച്ചു. തൃശ്ശിലേരി പ്ലാമൂല കോളനിയിലെ കൂരൻ (55) ആണ് മരിച്ചത്. ചൊവ്വാഴ്ച രാവിലെ ഒമ്പതോടെ പാണ്ടിക്കടവ് ഹിൽ ബ്ലൂംസ് സ്കൂളിനു സമീപമാണ് അപകടം. പരിക്കേറ്റ കൂരനെ ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. ബൈക്ക് ഓടിച്ച മാനന്തവാടി മെഡിക്കൽ കോളജിലെ ഡോ. അരുണിന്‍റെ കൈക്കും പരിക്കേറ്റിട്ടുണ്ട്. ഇദ്ദേഹം മാനന്തവാടി മെഡിക്കൽ കോളജിൽ ചികിത്സയിലാണ്. ഭാര്യ: ബിന്ദു. മക്കൾ: അജിത്, ആതിര.
