കുമരനല്ലൂർ: ആമയം ഇടപ്പാടം കോൾപടവിൽ കൃഷിപ്പണിക്കിടെ കർഷകൻ കുഴഞ്ഞുവീണ് മരിച്ചു. കരുമത്ത് പരേതനായ മുഹമ്മദിന്റെ മകൻ മജീദ് (64) ആണ് മരിച്ചത്. പുഞ്ചകൃഷിക്ക് നിലം ഒരുക്കുന്നതിന്റെ ഭാഗമായി കുമ്മായം വിതറുന്നതിനിടെ കുഴഞ്ഞുവീഴുകയായിരുന്നു. പെരുമ്പടപ്പിലെ സ്വകാര്യ ആശുപത്രില്‍ എത്തിച്ചങ്കിലും മരിച്ചിരുന്നു. പെരുമ്പടപ്പ് പഞ്ചായത്ത് സ്വതന്ത്ര കർഷക സംഘം ജനറൽ സെക്രട്ടറി, ആമയം മഹല്ല് കമ്മിറ്റി അംഗം, ചെറുവല്ലൂർ പുറം കോൾപടവ് കർഷക സേവ സംഘം പ്രസിഡന്റ് എന്നീ സ്ഥാനങ്ങൾ വഹിച്ചിരുന്നു. ഭാര്യ: സഫിയ. മക്കൾ: നസീഫ്, നഹ്‌ല, നദീം (മൂവരും അബൂദബി), നജ്മ. മരുമക്കള്‍: ഷമീർ, ഷുഐബ്, അഫിദ (അബൂദബി).
