പിറവം: തൃക്കരിപ്പൂർ ബീരിച്ചേരി ഗേറ്റിനുസമീപം ട്രെയിനിൽ നിന്ന് വീണ് പിറവം സ്വദേശി മരിച്ചു. പിറവം കിഴക്കേൽ പരേതനായ അബ്രഹാമിന്റെ മകൻ വിമുക്തഭടൻ ജോയി (ഫിലിപ് -58) ആണ് മരിച്ചത്. വ്യാഴാഴ്ച രാവിലെ ഗോവക്കുള്ള യാത്രാമധ്യേയാണ് അപകടം. ചന്തേര പൊലീസ് സ്ഥലത്ത് എത്തി നടപടി സ്വീകരിച്ചു. മൃതദേഹം പരിയാരം മെഡിക്കൽ കോളജ് മോർച്ചറിയിൽ. പോസ്റ്റ്മോർട്ടത്തിനുശേഷം വെള്ളിയാഴ്ച നാട്ടിലെത്തിക്കും. സംസ്കാരം പിന്നീട്.
