ആലുവ: സി.പി.ഐ മുൻ ആലുവ ലോക്കൽ സെക്രട്ടറി തോട്ടയ്ക്കാട്ടുകര എടത്തല പറമ്പിൽ പുളിമൂട്ടിൽ പി.എ. അബ്ദുൽ കരിം (68) നിര്യാതനായി. കാൻസർ ബാധിതനായി ഏതാനും മാസങ്ങളായി ചികിത്സയിലായിരുന്നു.
വിദ്യാർഥി രാഷ്ട്രീയത്തിലൂടെ കടന്നുവന്ന കരീമിനെ സി.പി.ഐ കരീമെന്നാണ് വിളിച്ചിരുന്നത്. ആലുവ അർബൻ സഹകരണബാങ്കിൽനിന്നും വിരമിച്ച ശേഷം മുഴുവൻ സമയ രാഷ്ട്രീയ പ്രവർത്തകനാകുകയായിരുന്നു.
ദേശാഭിവർദ്ധിനി സഹകരണ ബാങ്ക് ഭരണ സമിതിയംഗമായും പ്രവർത്തിച്ചിട്ടുണ്ട്. യുവകലാസാഹിതി ആലുവ മണ്ഡലം സെക്രട്ടറിയായിരുന്നു.
ഭാര്യ: സൈനബ. മക്കൾ: സിനി, നസീമ. മരുമക്കൾ: ഹാരിസ്, ഷെമീർ.
