മങ്കര: സംസ്ഥാനപാത മങ്കര കണ്ണംബരിയാരത്ത് ലോറിയും ബൈക്കും കൂട്ടിയിടിച്ചുണ്ടായ അപകടത്തിൽ രണ്ട് യുവാക്കൾ മരിച്ചു. ബൈക്ക് യാത്രികരായ തൃശൂർ വെള്ളറക്കാട് ആദൂർ കളരിപ്പറമ്പിൽ വീട്ടിൽ മണികണ്ഠന്റെ മകൻ മിഥുൻ (23), ആദൂർ ഷെയ്ക്ക് വീട്ടിൽ സിക്കന്ദറിന്റെ മകൻ മുഹമ്മദ് ഗൗസ് (18) എന്നിവരാണ് മരിച്ചത്. മിഥുൻ ഞായറാഴ്ച പുലർച്ച ജില്ല ആശുപത്രിയിലും മുഹമ്മദ് ഗൗസ് ഞായറാഴ്ച ഉച്ചക്ക് തൃശൂർ മെഡിക്കൽ കോളജ് ആശുപത്രിയിലുമാണ് മരിച്ചത്. ഞായറാഴ്ച പുലർച്ച 12.45 ഓടെയാണ് അപകടം. ബൈക്ക് പൂർണമായും തകർന്നു. മിഥുന്റെ മാതാവ്: സുനിത. സഹോദരൻ: അമൽ. മുഹമ്മദ് ഗൗസിന്റെ മാതാവ്: റംല. സഹോദരി: ഹിമ. ഇരുവരുടെയും മൃതദേഹങ്ങൾ പോസ്റ്റമോർട്ടത്തിന് മുളങ്കുന്നത്തുകാവ് മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. സംസ്കാരം തിങ്കളാഴ്ച.
