കോങ്ങാട്: ബൈക്കിൽനിന്ന് വീണ് വീട്ടമ്മ മരിച്ചു. ചിറ്റൂർ തത്തമംഗലം പട്ടത്ത് വീട്ടിൽ പെരുമ്പള്ളം ബാബു മേനോൻ എന്ന മോഹൻദാസിന്റെ ഭാര്യ സുമിത്രയാണ് (57) മരിച്ചത്. കോങ്ങാട് ചല്ലിക്കൽ റേഷൻ കടക്ക് സമീപം ബുധനാഴ്ച രാവിലെ 10 മണിയോടെയായിരുന്നു അപകടം. തിരുവാഴിയോടുള്ള മകളുടെ വീട്ടിലേക്ക് സഹോദരൻ കണ്ണനോടൊപ്പം പോകുന്നതിനിടയിലായിരുന്നു അപകടം. സുമിത്രയെ ഉടൻ കോങ്ങാട് സ്വകാര്യ ആശുപത്രിയിലും തുടർന്ന് പാലക്കാട് ജില്ല ആശുപത്രിയിലും എത്തിച്ചെങ്കിലും രക്ഷിക്കാനായില്ല. സംസ്കാരം വ്യാഴാഴ്ച രാവിലെ ഒമ്പതിന് പട്ടഞ്ചേരി വാതക ശ്മശാനത്തിൽ. മകൾ: അജിത. മരുമകൻ: മുരളീകൃഷ്ണൻ.
