ഓയൂർ: ഓയൂർ ചുങ്കത്തറക്ക് സമീപം ബൈക്കപകടത്തിൽ യുവാവ് മരിച്ചു. ഓയൂർ ഗണേശ് ഭവനിൽ ഗണേശ്-ഗീത ദമ്പതികളുടെ മകൻ രതീഷ് (28) ആണ് മരിച്ചത്. വെള്ളിയാഴ്ച രാത്രി 10 ഓടെയായിരുന്നു അപകടം.
കരിങ്ങന്നൂർ ഭാഗത്തേക്ക് പോവുകയായിരുന്ന രതീഷിന്‍റെ ബൈക്ക് കാൽനടയാത്രികനായ മീയന സ്വദേശി നാസറിനെ (60) ഇടിക്കുകയായിരുന്നു. ബൈക്കിൽ നിന്ന് വീണ് പരിക്കേറ്റ രതീഷിനെ മീയണ്ണൂരിലെ സ്വകാര്യ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. രാത്രി ഒരു മണിയോടെ സിസ്ചാർജായി വീട്ടിലേക്ക് മടങ്ങാൻ തുടങ്ങവേ ആശുപതിയിൽ കുഴഞ്ഞുവീണ് മരിക്കുകയായിരുന്നു. അപകടത്തിൽ സാരമായി പരിക്കേറ്റ നാസറിനെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. രതീഷിന്‍റെ ഭാര്യ: ഗോപിക. മകൻ: അയാൻ.
