തൃശ്ശിലേരി: നവീകരിച്ച് കഴിഞ്ഞ ദിവസം തുറന്ന തൃശ്ശിലേരി പന്നിയോട്ടെ അണക്കെട്ടിൽ മധ്യവയസ്കനെ മരിച്ചനിലയിൽ കണ്ടെത്തി. ചേക്കോട്ട് കോളനിയിലെ നാരായണനാണ് (51) മരിച്ചത്. അണക്കെട്ടിൽ കുളിക്കാനിറങ്ങിയവർ മൃതദേഹംകണ്ട് തിരുനെല്ലി പൊലീസിൽ അറിയിക്കുകയായിരുന്നു. പൊലീസ് ഇൻക്വസ്റ്റ് നടത്തിയ മൃതദേഹം പോസ്റ്റ്മോർട്ടത്തിന് വയനാട് ഗവ. മെഡിക്കൽ കോളജിലേക്ക് മാറ്റി. ഭാര്യ: ഉഷ. മക്കൾ: നന്ദു, നയന, നാഗേഷ്.
