ആലത്തൂർ: ദേശീയപാതയിൽ എരിമയൂർ തോട്ടുപാലം ഭാഗത്ത് കണ്ടെയ്നർ ലോറിയുടെ പിന്നിൽ ബൈക്കിടിച്ച് ബൈക്കിൽ സഞ്ചരിച്ച നെടുമ്പാശ്ശേരി വിമാനത്താവളത്തിലെ ജീവനക്കാരനായ യുവാവ് മരിച്ചു.പെരുവെമ്പ് കിഴക്കേ തോട്ടുപാടം വീട്ടിൽ കുഞ്ചപ്പന്റെ മകൻ വിഷ്ണുപ്രസാദ് (29) ആണ് മരിച്ചത്. ജോലി കഴിഞ്ഞ് രാത്രി വീട്ടിലേക്ക് പോകുമ്പോൾ തിങ്കളാഴ്ച പുലർച്ച 12.15നാണ് സംഭവം. ആലത്തൂർ പൊലീസ് തുടർ നടപടികൾ സ്വീകരിച്ച് ജില്ല ആശുപത്രിയിൽ പോസ്റ്റ്മോർട്ടം നടത്തി. മാതാവ്: പ്രേമ. സഹോദരി: ജിഷ്ണ.
