കുഴൽമന്ദം: ദേശീയപാത ചിതലി വെള്ളപ്പാറയിൽ ലോറി ഇടിച്ച് റിട്ട. എസ്.ഐ മരിച്ചു. കുത്തനൂർ പറക്കുളം വീട്ടിൽ പരേതനായ മാധവന്റെ മകൻ എം. സഹദേവനാണ് (66) മരിച്ചത്. തിങ്കളാഴ്ച വൈകീട്ട് നാലരയോടെയാണ് അപകടം. സബ് രജിസ്ട്രാർ ഓഫിസിൽനിന്ന് വിട്ടിലേക്ക് വരുന്നതിനിടെ ഇദ്ദേഹം സഞ്ചരിച്ച ബൈക്കിൽ പിറകെ വന്ന ലോറി ഇടിക്കുകയായിരുന്നു. മൃതദേഹം ജില്ല ആശുപത്രി മോർച്ചറിയിൽ. പോസ്റ്റുമോർട്ടത്തിനുശേഷം ചൊവ്വാഴ്ച വൈകീട്ട് നാലിന് പാമ്പാടി ഐവർമഠത്തിൽ സംസ്കരിക്കും. ഭാര്യ: ഇന്ദിര. മക്കൾ: സരൺ, അരുൺ. മരുമക്കൾ: വിദ്യ, ഷിനി. മാതാവ്: മുത്തുഅമ്മ. സഹോദരങ്ങൾ: കോമളം, മോഹനൻ, അരവിന്ദാക്ഷൻ, സുനിത, സുനിൽകുമാർ.
