ആലത്തൂർ: ബൈക്കും മിനിലോറിയും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. ചിറ്റിലഞ്ചേരി കോന്നല്ലൂർ പരേതനായ വേലായുധന്റെ മകൻ അനീഷ് (25) ആണ് മരിച്ചത്. കഴിഞ്ഞ ദിവസം രാത്രി പുതിയങ്കം തെക്കുമുറി വളവിൽ ബൈക്ക് മറ്റൊരു വാഹനത്തെ മറികടക്കുന്നതിടെയാണ് അപകടം. തൃപ്പാളൂരിൽ നിന്ന് കോന്നല്ലൂരിലെ വീട്ടിലേക്ക് പോവുകയായിരുന്നു അനീഷ്. ഗുരുതര പരിക്കേറ്റ അനീഷിനെ നെന്മാറ സർക്കാർ ആശുപത്രിയിൽ എത്തിച്ചെങ്കിലും മരിച്ചു. മാതാവ്: തങ്കമണി. സഹോദരങ്ങൾ: അനു, അജിത.
