പുൽപള്ളി: വീടിനു സമീപത്ത് ഉണങ്ങി നിന്ന തെങ്ങ് വെട്ടിമാറ്റുന്നതിനിടെ ദേഹത്തുവീണ് ഗൃഹനാഥൻ മരിച്ചു. എരിയപ്പള്ളി നെല്ലിമണ്ണിൽ രാജനാണ് (52) മരിച്ചത്. ഞായറാഴ്ച രാവിലെ 11 ഓടെയാണ് സംഭവം. ഗുരുതര പരിക്കേറ്റ ഇദ്ദേഹത്തെ കൽപറ്റ ആശുപത്രിയിലും തുടർന്ന് കോഴിക്കോട് മെഡിക്കൽ കോളജ് ആശുപത്രിയിലും എത്തിച്ചെങ്കിലും മരിച്ചു.
കൽപറ്റയിൽ നിന്നും കോഴിക്കോട്ടേക്ക് കൊണ്ടുപോകുന്നതിനിടെ ചുരത്തിൽ ഗതാഗത ക്കുരുക്കായതിനാൽ ആശുപത്രിയിലെത്തിക്കാൻ താമസം നേരിട്ടതായി ബന്ധുക്കൾ പറഞ്ഞു. ബി.ജെ.പി പ്രാദേശിക നേതാവായിരുന്ന രാജൻ പുൽപള്ളി താഴെ അങ്ങാടിയിൽ ഭക്ഷണശാല നടത്തിവരുകയായിരുന്നു. ഭാര്യ :വസന്ത.
