പാലക്കാട്: താരേക്കാടിൽ കാർ ബൈക്കിലിടിച്ചുണ്ടായ അപകടത്തിൽ വീട്ടമ്മ ബസിനടിയിൽപ്പെട്ട് മരിച്ചു. കൊട്ടേക്കാട് കരിമൻകാട് സ്വദേശി ഓമന (55) ആണ് മരിച്ചത്. ചൊവ്വാഴ്ച രാവിലെ 10.40ഓടെ ആണ് സംഭവം. ഓമനയും ഭർത്താവ് വയ്യാപുരിയും നഗരത്തിലെ ഹോട്ടലിൽ സംഘടിപ്പിച്ച സ്വകാര്യ ചടങ്ങിന് പോകുമ്പോഴായിരുന്നു അപകടം. ബൈക്കിൽ കാർ തട്ടി ഓമനയും ഭർത്താവും ബസിനടിയിലേക്ക് വീഴുകയായിരുന്നു. വയ്യാപുരി പരിക്കുകളോടെ ആശുപത്രിയിലാണ്. മക്കൾ: ആതിര, ആദർശ് (ബംഗളൂരു). മരുമകൻ: സജിത്ത് (അബൂദബി). സംസ്കാരം ബുധനാഴ്ച ചന്ദ്രനഗർ വൈദ്യുതി ശ്മശാനത്തിൽ.
