സുൽത്താൻബത്തേരി: ബീനാച്ചി-പനമരം റോഡിൽ സി.സി. ഫോറസ്റ്റ് ഓഫിസിന് സമീപം ബൈക്കപകടത്തിൽ യുവാവ് മരിച്ചു. അരിവയൽ കോട്ടങ്ങോട് മുഹമ്മദിന്റെയും ഖദീജയുടെയും മകൻ അഖിൻ എം. അലി (ആഷിഖ് -23) ആണ് മരിച്ചത്. വെള്ളിയാഴ്ച വൈകുന്നേരം ഏഴു മണിയോടെയായിരുന്നു അപകടം. അഖിൻ സഞ്ചരിച്ച ബൈക്ക് ഓട്ടോറിക്ഷയുടെ പുറകിൽ ഇടിച്ചതിനുശേഷം നിയന്ത്രണം വിട്ട് റോഡരികിലെ മരത്തിലുമിടിക്കുകയായിരുന്നു. സഹോദരി: അഖില.
