കൽപറ്റ: നിയന്ത്രണംവിട്ട സ്കൂട്ടർ മറിഞ്ഞ് ഒരാൾ മരിച്ചു. കാവുമന്ദം മാടക്കുന്ന് തുമ്പിയാൻ കുഴിയിൽ തോമസ് (കുഞ്ഞൂഞ്ഞ്-56) ആണ് മരിച്ചത്. സഹയാത്രികനായ മാടക്കുന്ന് സ്വദേശി അഗസ്റ്റിനെ പരിക്കുകളോടെ കൽപറ്റയിലെ സ്വകാര്യ ആശുപത്രിയിൽ പ്രവേശിപ്പിച്ചു.
കഴിഞ്ഞ ദിവസം രാത്രി വെങ്ങപ്പള്ളി പഞ്ചാബിന് സമീപം സ്കൂട്ടർ നിയന്ത്രണംവിട്ടാണ് അപകടം. ഗുരുതര പരിക്കേറ്റതിനെ തുടർന്ന് തോമസിനെ ആദ്യം കൽപറ്റയിലെ സ്വകാര്യ ആശുപത്രിയിലും പിന്നീട് മേപ്പാടിയിലെ സ്വകാര്യ മെഡിക്കൽ കോളജ് ആശുപത്രിയിലും പ്രവേശിപ്പിച്ചു. പിന്നീട് കോഴിക്കോട് മെഡിക്കൽ കോളജ് ആശുപത്രിയിലേക്ക് വിദഗ്ധ ചികിത്സക്കായി കൊണ്ടുപോകുന്നതിനിടയിലായിരുന്നു മരണം. തോമസിന്റെ ഭാര്യ: ആലീസ്. മക്കൾ: അനൂപ്, അജീഷ്.
