കൽപറ്റ: എസ്.കെ.എം.ജെ. സ്കൂൾ മൈതാനത്തിന് താഴ്ഭാഗത്തെ തോടിനോട് ചേർന്ന കല്ലിടുക്കിൽ മരിച്ച നിലയിൽ കണ്ടെത്തിയ ആളെ തിരിച്ചറിഞ്ഞു. തൃക്കൈപ്പറ്റ ദീപാലയത്തിൽ മനോജ് (50) ആണ് മരിച്ചത്. സുൽത്താൻബത്തേരി താലൂക്ക് ആശുപത്രിയിൽ സൂക്ഷിച്ചിരുന്ന മൃതദേഹം സഹോദരൻ സന്തോഷ് എത്തിയാണ് തിരിച്ചറിഞ്ഞത്. തിങ്കളാഴ്ച ഉച്ചക്കുശേഷം സ്കൂൾ വിദ്യാർഥികളാണ് മനോജിന്റെ മൃതദേഹം കണ്ടത്. തുടർന്ന് കൽപറ്റ പൊലീസ് എത്തി മൃതദേഹം സുൽത്താൻബത്തേരി താലൂക്ക് ആശുപത്രിയിലേക്ക് മാറ്റുകയായിരുന്നു. മൃതദേഹം ചൊവ്വാഴ്ച ബന്ധുക്കൾക്ക് വിട്ടുനൽകി.
