മങ്കര: സംസ്ഥാനപാതയിൽ തേനൂർ ഓട്ടുകമ്പനിക്ക് സമീപം പിക്അപ് വാനിടിച്ച് സ്കൂട്ടർ യാത്രക്കാരൻ മരിച്ചു. മങ്കര മാങ്കുറുശ്ശി മാവുണ്ടതറ സ്വദേശി സുഭാഷാണ് (51) മരിച്ചത്. ഞായറാഴ്ച വൈകീട്ട് 3.30 ഓടെയാണ് അപകടം. സാരമായി പരിക്കേറ്റ ഇയാളെ ജില്ല ആശുപത്രിയിൽ എത്തിച്ചെങ്കിലും മരിച്ചു. പറളിയിൽ ബന്ധുവീട്ടിൽ വിവാഹത്തിന് പോയി തിരിച്ചുവരുമ്പോഴാണ് അപകടം. കാർപന്റർ തൊഴിലാളിയാണ്. ഭാര്യ: അമ്പിളി. മക്കൾ: സുകന്യ, നിഷ.
