പുൽപള്ളി: വാഹനാപകടത്തിൽ പരിക്കേറ്റ് ചികിത്സയിലായിരുന്ന മുള്ളൻകൊല്ലി കാഞ്ഞിരപാറയിൽ ജോർജ് (67) മരിച്ചു. കനറാ ബാങ്ക് പുൽപള്ളി ശാഖ റിട്ട. പ്യൂണാണ്. ഫെബ്രുവരി ആറിന് മുള്ളൻകൊല്ലി ടൗണിനടുത്തായിരുന്നു അപകടം. നടന്നുപോകുന്നതിനിടെ ബൈക്ക് ഇടിക്കുകയായിരുന്നു. മേപ്പാടിയിലെ സ്വകാര്യ മെഡിക്കൽ കോളജിലാണ് ആദ്യം പ്രവേശിപ്പിച്ചത്. പിന്നീട് കോഴിക്കോട് മെഡിക്കൽ കോളജിലേക്ക് മാറ്റി. പോസ്റ്റ്മോർട്ടത്തിനു ശേഷം വെള്ളിയാഴ്ച മൃതദേഹം വീട്ടിൽ എത്തിക്കും. പരേതരായ മത്തായിയുടെയും ഏലിക്കുട്ടിയുടെയും മകനാണ്. സഹോദരങ്ങൾ: അന്ന, ജോയി, റോസ, സണ്ണി, ജോസഫ്, സജി, ബിജു, ബൈജു. സംസ്കാരം വെള്ളിയാഴ്ച വൈകുന്നേരം 4.30ന് മുള്ളൻകൊല്ലി സെന്റ് മേരീസ് ഫൊറോന പള്ളി സെമിത്തേരിയിൽ.
