പുല്പള്ളി: വാഹനാപകടത്തിൽ പുല്പള്ളി വേലിയമ്പം കുന്നപ്പിള്ളിൽ സാബു കെ. മാത്യു (45) മരിച്ചു. പുൽപള്ളി ഭൂതാനത്ത് റോഡരികിൽ നിർത്തിയിട്ട ഗുഡ്സ് ജീപ്പിന്‍റെ പിന്നിൽ സാബു ഓടിച്ച സ്കൂട്ടർ ഇടിച്ചായിരുന്നു അപകടം. വേലിയമ്പം ദേവിവിലാസം വി.എച്ച്.എസ്.എസിലെ ജീവനക്കാരനായിരുന്നു. മുൻ ഗ്രാമപഞ്ചായത്ത് മെംബറും കോൺഗ്രസ് പുല്പള്ളി മണ്ഡലം സെക്രട്ടറി കൂടിയായിരുന്നു. വെള്ളിയാഴ്ച രാത്രി 8.45ഓടെയാണ് അപകടം. ഭാര്യ: അമ്പിളി. മക്കൾ: അനോൺ സാബു, ബേസിൽ സാബു.
