ഗൂഡല്ലൂർ: ഗൂഡല്ലൂർ-തുറപ്പള്ളി ദേശീയപാതയിൽ മാക്കമൂലയിൽ ബൈക്കും ജീപ്പും കൂട്ടിയിടിച്ച് ബൈക്ക് യാത്രക്കാരായ യുവാക്കളിൽ ഒരാൾ മരിച്ചു. പരിക്കേറ്റ മറ്റൊരു യുവാവിനെ ഊട്ടി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. അള്ളൂർ വയലിലെ ശശിയുടെ മകൻ ഇസ്രവേൽ (20) ആണ് അപകടസ്ഥലത്തുതന്നെ മരിച്ചത്. സുഹൃത്ത് രാമന്റെ മകൻ സുരേഷ് കുമാറിനെയാണ് (28) ഊട്ടിയിലേക്ക് കൊണ്ടുപോയത്. വെള്ളിയാഴ്ച രാത്രി ഒമ്പതിന് അള്ളൂരിലേക്ക് ബൈക്കിൽ പോകവെയാണ് തുറപ്പള്ളി ഭാഗത്തുനിന്ന് വന്ന ജീപ്പുമായി കൂട്ടിയിടിച്ചത്. ഗൂഡല്ലൂർ പൊലീസ് കേസെടുത്തു.
