പൊഴുതന: ബൈക്കും ഗുഡ്സ് ഓട്ടോയും കൂട്ടിയിടിച്ച് യുവാവ് മരിച്ചു. പൊഴുതന ആനോത്ത് സ്വദേശി കോന്തേരി വീട്ടിൽ മണിയുടെയും ലക്ഷ്മിയുടെയും മകൻ ജിതിൻ (18) ആണ് മരിച്ചത്. തിങ്കളാഴ്ച വൈകീട്ട് ആറോടെ വെങ്ങപ്പള്ളി-പൊഴുതന റൂട്ടിൽ അത്തിമൂല ജങ്ഷന് സമീപത്താണ് അപകടമുണ്ടായത്. പരിക്കേറ്റ ജിതിനെ കൽപറ്റയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും രാത്രിയോടെ മരിച്ചു. ജിതിനൊപ്പം ബൈക്കിലുണ്ടായിരുന്ന സുഹൃത്ത് ഫസൽ ജാസിമിന് പരിക്കേറ്റു. ഇയാൾ കൽപറ്റയിലെ സ്വകാര്യ ആശുപത്രിയിൽ ചികിത്സയിലാണ്. ജിതിന്റെ സഹോദരങ്ങൾ: നിഖിൽ, വൈഗ.
