പട്ടാമ്പി: പ്ലസ് ടു പരീക്ഷയുടെ ഹാൾ ടിക്കറ്റ് വാങ്ങാൻ പോയ വിദ്യാർഥി ട്രെയിൻ തട്ടി മരിച്ചു. ഓങ്ങല്ലൂർ കൊണ്ടൂർക്കര പന്തപ്പുലാക്കൽ മുഹമ്മദാലി-സീനത്ത് ദമ്പതികളുടെ മകൻ മുഹമ്മദ് ആഷിഫാണ് (17) മരിച്ചത്. പെരുമുടിയൂർ ഗവ. ഹയർ സെക്കൻഡറി സ്കൂൾ വിദ്യാർഥിയാണ്. ഹാൾ ടിക്കറ്റ് വാങ്ങാൻ സഹോദരനൊപ്പം എത്തിയപ്പോഴാണ് അപകടം. മൃതദേഹം പട്ടാമ്പി നിള ആശുപത്രിയിൽ. സഹോദരങ്ങൾ: മുഹമ്മദ് ആഷിഖ്, ഹസീന, ഫസീല.
