സുൽത്താൻ ബത്തേരി: ദേശീയപാത 766ൽ കല്ലൂർ പാലത്തിന് സമീപം വാഹനാപകടത്തിൽ ഇരുചക്രവാഹന യാത്രികൻ മരിച്ചു. സുൽത്താൻ ബത്തേരി കല്ലുവയൽ മൂത്തത്ത് വീട്ടിൽ മുഹമ്മദ് ഷഹീബ് (31) ആണ് മരിച്ചത്. വ്യാഴാഴ്ച ഉച്ചക്ക് 12.30ഓടെയാണ് അപകടം. മൈസൂരു ഭാഗത്തേക്ക് പോവുകയായിരുന്ന ലോറിയുമായി ബത്തേരി ഭാഗത്തേക്ക് വന്ന ബുള്ളറ്റ് കൂട്ടിയിടിച്ചാണ് അപകടം. സംഭവസ്ഥലത്തുവെച്ചുതന്നെ മുഹമ്മദ് ഷഹീബ് മരിച്ചു. ഇടിയുടെ ആഘാതത്തിൽ ബൈക്കിന്‍റെ മുൻചക്രം വേർപെട്ട് ദൂരേക്ക് തെറിച്ചുപോയി. മുഹമ്മദ് ഷഹീബിന്‍റെ പിതാവ്: അബ്ദുറഹ്മാൻ. മാതാവ്: ഉമൈബത്ത്. സഹോദരങ്ങൾ: അഫ്സൽ, അസ്ന, അഫ്സിന.
