മേപ്പാടി: നെടുങ്കരണയിൽ ഓട്ടോറിക്ഷക്ക് കുറുകേ പന്നി ചാടി ഓട്ടോറിക്ഷ മറിഞ്ഞുണ്ടായ അപകടത്തിൽ നാലരവയസ്സുകാരൻ മരിച്ചു. ഓടത്തോട് സ്വദേശികളായ സുധീറിന്റെയും സുബൈറയുടെയും മകൻ മുഹമ്മദ് യാമിൻ ആണ് മരിച്ചത്. വെള്ളിയാഴ്ച രാത്രി എട്ടരയോടെ സുബൈറയും മുഹമ്മദ് യാമിനും കടച്ചിക്കുന്നിലെ സുബൈറയുടെ വീട്ടിൽ നിന്ന് ഓടത്തോടിലെ വീട്ടിലേക്ക് ഓട്ടോറിക്ഷയിൽ വരുന്നതിനിടെയാണ് അപകടമുണ്ടായത്. നെടുങ്കരണയിൽ വെച്ച് ഓട്ടോറിക്ഷയ്ക്ക് കുറുകെ പന്നി ചാടിയതിനെ തുടർന്ന് ഓട്ടോറിക്ഷ മറിയുകയായിരുന്നു.
