പനമരം: മുസ്‍ലിം ലീഗ് നേതാവും മത സാമൂഹിക സാംസ്കാരിക ജീവകാരുണ്യ മേഖലയിലെ സജീവ സാന്നിധ്യവുമായിരുന്ന കൈതക്കൽ കടവത്ത് അബു (കെ.വി. അബു -84) നിര്യാതനായി. കൈതക്കൽ എൽ.പി സ്കൂൾ, ചെറുകാട്ടൂർ വില്ലേജ്, കൊയിലേരി പാലം, കൈതക്കൽ സാംസ്കാരിക നിലയം, അംഗൻവാടി തുടങ്ങിയ പ്രാദേശിക വികസനങ്ങൾ കൊണ്ടുവരുന്നതിന് നേതൃത്വപരമായ പങ്കുവഹിച്ചു. മുസ്‍ലിം ലീഗ് സംസ്ഥാന കൗൺസിലർ, വയനാട് ജില്ല കമ്മിറ്റി അംഗം, മാനന്തവാടി മണ്ഡലം കൗൺസിലർ, എസ്.ടി.യു കർഷക തൊഴിലാളി യൂനിയൻ വയനാട് ജില്ല സെക്രട്ടറി, പനമരം സർവിസ് സഹകരണ ബാങ്ക് ഡയറക്ടർ തുടങ്ങിയ സ്ഥാനങ്ങൾ വഹിച്ചിരുന്നു. ഭാര്യമാർ: പരേതയായ ആർ.എസ്. ഖദീജ പനമരം, മാമി. മക്കൾ: നൂർജഹാൻ, അബ്ദുൽസലീം (ദുബൈ), ഫസ്ന. മരുമക്കൾ: അബ്ദുൽ നാസർ തരുവണ, നുസറത്ത് പടിഞ്ഞാറത്തറ.
