പറളി: എടത്തറ മഹിമ ഓഡിറ്റോറിയത്തിനുസമീപം ഗുഡ്സ് ഓട്ടോയും ബൈക്കും കൂട്ടിയിടിച്ച് ബൈക്ക് യാത്രികന് മരിച്ചു. ചിറ്റൂര് പൊല്പ്പുള്ളി കുണ്ടന്തോട് വീട്ടില് ദീപക്കാണ് (23) മരിച്ചത്. ഒപ്പമുണ്ടായിരുന്ന ചിറ്റൂര് കുന്തിപ്പള്ളം വിഷ്ണുവിനെ (23) ഗുരുതരപരിക്കുകളോടെ ജില്ല ആശുപത്രിയിലും തുടര്ന്ന് വിദഗ്ധചികിത്സക്ക് തൃശൂരിലെ സ്വകാര്യആശുപത്രിയിലും പ്രവേശിപ്പിച്ചു. ചൊവ്വാഴ്ച രാത്രി 11 ഓടെയാണ് അപകടം. പത്തിരിപ്പാല ഭാഗത്തുനിന്ന് വന്ന ബൈക്കും പാലക്കാട് ഭാഗത്തുനിന്ന് വന്ന ഗുഡ്സ് ഓട്ടോയും തമ്മിലാണ് കൂട്ടിയിടിച്ചത്. ഗുരുതര പരിക്കേറ്റ ദീപക്കിനെ ജില്ല ആശുപത്രിയിലെത്തിച്ചെങ്കിലും മരിച്ചു. പിതാവ്: ആറുമുഖന്. മാതാവ്: സുമിത്ര. സഹോദരങ്ങള്: ദിവ്യമോള്, ദിലീപ്.
