പുല്പള്ളി: കാട്ടുപന്നി ബൈക്കിലിടിച്ച് ഗുരുതരമായി പരിക്കേറ്റ് ചികിത്സയിലായിരുന്ന യുവാവ് മരിച്ചു. പാടിച്ചിറ താന്നിമലയില്‍ അഭിലാഷ് (46) ആണ് കോഴിക്കോട് മെഡിക്കല്‍ കോളജ് ആശുപത്രിയില്‍ മരിച്ചത്.
കാട്ടുപന്നി ഇടിച്ചതോടെ ബൈക്ക് മറിഞ്ഞ് പരിക്കേൽക്കുകയായിരുന്നു. ഏപ്രില്‍ രണ്ടിന് കേണിച്ചിറയിലായിരുന്നു അപകടം. താഴെമുണ്ടയില്‍ ബന്ധുവിന്റെ ഗൃഹപ്രവേശനത്തില്‍ പങ്കെടുത്ത് മകന്‍ ആരവ് കൃഷ്ണക്കൊപ്പം വീട്ടിലേക്ക് വരുകയായിരുന്നു അഭിലാഷ്. അപകടത്തില്‍ മകന്‍ ആരവിനും പരിക്കേറ്റിരുന്നു. ഭാര്യ: രജിത.
മറ്റുമക്കള്‍: അഭിരാം, അഭിനവ്.
