കിഴക്കഞ്ചേരി: മാങ്ങ വലിക്കുന്നതിനിടെ വീണ് കുടുംബനാഥൻ മരിച്ചു. മൂലങ്കോട് കാരപ്പാടം കെ.എ.കെ. വീട്ടിൽ രാജനാണ് (50) മരിച്ചത്. ബുധനാഴ്ച വൈകീട്ട് നാല് മണിയോടെയായിരുന്നു സംഭവം. മൂലങ്കോടിനുസമീപം സ്വകാര്യവ്യക്തിയുടെ പറമ്പിലെ മാവിൽനിന്ന് മാങ്ങ വലിക്കുന്നതിനിടെ താഴെ വീഴുകയായിരുന്നു. നാട്ടുകാർ ആലത്തൂർ താലൂക്ക് ആശുപത്രിയിലെത്തിച്ചെങ്കിലും രക്ഷിക്കാനായില്ല. വടക്കഞ്ചേരി പൊലീസ് ഇൻക്വസ്റ്റ് നടത്തി. പോസ്റ്റ്‌മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടുനൽകി. സംസ്‌കാരം വെള്ളിയാഴ്ച ഒമ്പതിന് മമ്പാട് വാതക ശ്മശാനത്തിൽ. പിതാവ്: വെലുക്കുട്ടി. മാതാവ്: മാധവി. ഭാര്യ: ഗിരിജ. മക്കൾ: സൂര്യ, ശ്യാം, സിനു.
