വടക്കാഞ്ചേരി: സംസ്ഥാന പാതയിൽ ബൈക്ക് റോഡരികിലെ പരസ്യ ബോർഡിന്റെ ഇരുമ്പ് തൂണിലിടിച്ച് തെറിച്ച് വീണ് യാത്രക്കാരൻ മരിച്ചു. തമിഴ്നാട് സ്വദേശി കുമാർ (33) ആണ് മരിച്ചത്. ബൈക്ക് ഓടിച്ചിരുന്ന ചേർപ്പ് കിഴുപ്പിള്ളിക്കര സ്വദേശി രവിയെ (50) ഗുരുതര പരിക്കുകളോടെ തൃശൂർ ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വടക്കാഞ്ചേരി റെയിൽവേ മേൽപാലത്തിനടുത്ത മേൽപാലം അപ്രോച്ച് റോഡിൽ വടക്കാഞ്ചേരി പള്ളിക്ക് സമീപം വെള്ളിയാഴ്ച ഉച്ചതിരിഞ്ഞ് 3.30നാണ് അപകടം. ബൈക്കിന്റെ പിന്നിലിരുന്ന് യാത്ര ചെയ്തിരുന്ന കുമാർ 20 അടിയോളം താഴ്ചയിലേക്ക് തലയടിച്ച് വീഴുകയായിരുന്നു. വടക്കാഞ്ചേരി ആക്ട്സ് പ്രവർത്തകർ ആശുപത്രിയിൽ എത്തിച്ചെങ്കിലും വൈകാതെ മരിച്ചു. മൃതദേഹം മെഡിക്കൽ കോളജ് മോർച്ചറിയിൽ. വടക്കാഞ്ചേരി പൊലീസ് മേൽനടപടി സ്വീകരിച്ചു.