ചാലക്കുടി: വലതുകര കനാലിൽ വീണ് പരിക്കേറ്റ് ചികിത്സയിലിരുന്ന കുഞ്ഞ് മരിച്ചു. നോർത്ത് ചാലക്കുടി ചിറയത്ത് അനീഷിന്റെ മകൾ ഒന്നര വയസ്സുകാരിയായ ആദിനന്ദയാണ് മരിച്ചത്. ഈ മാസം 21നാണ് ആദിനന്ദ കനാലിൽ വീണത്. അമ്മ സുമിതയുടെ മേച്ചിറയിലെ വീടിന് സമീപത്തെ കനാലിൽ കുളിക്കുമ്പോഴായിരുന്നു അപകടം. അമ്മയും കുട്ടിയുടെ മൂന്ന് സഹോദരങ്ങളും ബന്ധുക്കളും കനാലിൽ കുളിക്കുമ്പോൾ കുട്ടിയെ പടവുകളിൽ ഇരുത്തിയിരുന്നു. പെട്ടെന്ന് കുട്ടി കനാലിലേക്ക് വീണു. വിവരമറിഞ്ഞ് മുകളിലുണ്ടായിരുന്ന പിതാവ് അനീഷ് കനാലിലേക്ക് എടുത്തുചാടി രക്ഷപ്പെടുത്തി. എന്നാൽ, ശക്തമായ ഒഴുക്കിൽ കുട്ടിയുടെ ശരീരം കനാൽ ഭിത്തിയിൽ തട്ടി ഗുരുതര പരിക്കേറ്റു. തുടർന്ന് രാജഗിരി ആശുപത്രിയിൽ ചികിത്സയിലായിരിക്കുമ്പോഴാണ് മരിച്ചത്.