കൊടകര: മറ്റത്തൂര് കുഞ്ഞാലിപാറയില് ദമ്പതികള് പൊള്ളലേറ്റ് മരിച്ചു. കുഞ്ഞാലിപാറ വലിയപറമ്പില് ഭാസ്കരന് (58), ഭാര്യ സജിനി (48) എന്നിവരാണ് മരിച്ചത്. വ്യാഴാഴ്ച വൈകീട്ട് നാലോടെയാണ് സംഭവം. കുടുംബവഴക്കിനെ തുടര്ന്ന് മണ്ണെണ്ണ ഒഴിച്ച് തീ കൊളുത്തിയ സജിനിയെ രക്ഷിക്കാന് ശ്രമിക്കുന്നതിനിടെയാണ് ഭാസ്കരന് പൊള്ളലേറ്റതെന്ന് പറയുന്നു. ഓടിയെത്തിയ നാട്ടുകാര് ഇരുവരെയും ആശുപത്രിയിലെത്തിച്ചു. ഭാസ്കരന്റെ മൃതദേഹം കറുകുറ്റി അപ്പോളോ ആശുപത്രി മോര്ച്ചറിയിലും സജിനിയുടെ മൃതദേഹം ചാലക്കുടി സെന്റ് ജെയിംസ് ആശുപത്രി മോര്ച്ചറിയിലും. വെള്ളിക്കുളങ്ങര പൊലീസ് മേല്നടപടി സ്വീകരിച്ചു. മക്കള്: അഖില് (വിദ്യാര്ഥി, യു.കെ) അമൃത (ടെക്നോപാര്ക്ക്, തിരുവനന്തപുരം).