വാടാനപ്പള്ളി: കർഷക കോൺഗ്രസ് ഏങ്ങണ്ടിയൂർ മണ്ഡലം പ്രസിഡന്റും ഏങ്ങണ്ടിയൂർ കോക്കനട്ട് ഫെഡറേഷൻ സ്ഥാപക പ്രസിഡന്റുമായ ചേറ്റുവ എം.ഇ.എസിന് കിഴക്ക് കിഴക്കുംപുറം പുതിയ വീട്ടിൽ കുന്നത്തകായിൽ അബ്ദുൽ ഗഫൂർ (74) നിര്യാതനായി. കോൺഗ്രസ് പ്രവർത്തകനും ഏങ്ങണ്ടിയൂരിലെ സാമൂഹിക - സാംസ്കാരിക -കാർഷിക കൂട്ടായ്മയിലെ ശ്രദ്ധേയ സാന്നിധ്യവുമായിരുന്നു. പഞ്ചായത്തുതല കർഷക കൂട്ടായ്മകളുടെ സംഘാടനങ്ങൾക്ക് നേതൃത്വം നൽകിയിരുന്ന ഇദ്ദേഹം കർഷക അവാർഡുകൾ നേടിയിട്ടുണ്ട്. ഭാര്യ: റസിയ. മക്കൾ: റാഷിദ്, ഫഹദ്, സബീന, മുബീന. മരുമക്കൾ: സഹദ, ഷറഫുദ്ദീൻ, ഷഹീർ. സഹോദരൻ: പി.എം. മുഹമ്മദ് ഇബ്രാഹിം (സെക്ര, ചേറ്റുവ മഹല്ല് ജമാഅത്ത് കമ്മിറ്റി).