വടക്കഞ്ചേരി: ദേശീയപാത റോയൽ ജങ്ഷന് സമീപം കാറിടിച്ച് കാൽനടക്കാരൻ മരിച്ചു. വടക്കഞ്ചേരി നായർത്തറ വസന്തവിഹാറിൽ രാമചന്ദ്രൻ (52) ആണ് മരിച്ചത്. വ്യാഴാഴ്ച രാത്രി 10നാണ് അപകടം സംഭവിച്ചത്. ദേശീയപാതയോരത്തെ ഹോട്ടലിൽനിന്ന് ഭക്ഷണം വാങ്ങിച്ച് ദേശീയപാത മുറിച്ചുകടക്കുന്നതിനിടെ തൃശൂരിൽനിന്ന് പാലക്കാട് ഭാഗത്തേക്ക് പോയ കാർ ഇടിക്കുകയായിരുന്നു. ഉടൻ നെന്മാറയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. വടക്കഞ്ചേരി പൊലീസ് കേസെടുത്തു. പാലക്കാട്ടെ സ്വകാര്യ കമ്പനിയിലെ ജീവനക്കാരനായ രാമചന്ദ്രൻ നായർത്തറയിലെ വീട്ടിൽ ഒറ്റക്കാണ് താമസം. അവിവാഹിതനാണ്. മൃതദേഹം പാലക്കാട് ജില്ല ആശുപത്രി മോർച്ചറിയിൽ പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ടുനൽകി. സംസ്കാരം ശനിയാഴ്ച രാവിലെ 10ന് ഐവർമഠത്തിൽ. പിതാവ്: സ്വാമിനാഥൻ. മാതാവ്: വസന്ത. സഹോദരങ്ങൾ: മുരളീധരൻ, ഹരിഗോവിന്ദൻ, ശിവാനന്ദൻ, ഗോകുലകൃഷ്ണൻ.
