വെള്ളമുണ്ട: ഓട്ടോ മറിഞ്ഞ് ഡ്രൈവർ മരിച്ചു. വെള്ളമുണ്ട സ്റ്റാൻഡിലെ ഓട്ടോ ഡ്രൈവർ മൈലമ്മേൽ ജോഷി (46) ആണ് മരിച്ചത്. ചൊവ്വാഴ്ച ഉച്ച ഒന്നോടെയാണ് സംഭവം. മംഗലശ്ശേരി മലയിൽനിന്ന് വെള്ളമുണ്ടയിലേക്ക് വരുന്നതിനിടെയാണ് അപകടം. ഓട്ടോയുടെ അടിയിൽപെട്ടാണ് മരണം. ആളൊഴിഞ്ഞ സ്ഥലമായതിനാൽ അപകടം നടന്ന വിവരം താമസിച്ചാണ് ആളുകൾ അറിഞ്ഞത്. വെള്ളമുണ്ട കുടുംബ ആരോഗ്യ കേന്ദ്രത്തിൽ എത്തിക്കുമ്പോഴേക്കും മരിച്ചിരുന്നു. ഭാര്യ: വിജി. മക്കൾ: ജോസ് വിന, ജോസ്ന.
