ആമ്പല്ലൂർ: കല്ലൂർ പാലക്കപ്പറമ്പിൽ ഓട്ടോറിക്ഷ സ്കൂൾ മതിലിൽ ഇടിച്ച് പരിക്കേറ്റ് ചികിത്സയിലിരുന്ന ഡ്രൈവർ മരിച്ചു. വെള്ളാനിക്കോട് എടാട്ട് വീട്ടിൽ ജോസിന്റെ മകൻ ബിജോ (33) ആണ് മരിച്ചത്. വ്യാഴാഴ്ച രാവിലെയായിരുന്നു അപകടം. ആമ്പല്ലൂരിലേക്ക് പോയ ഓട്ടോ നിയന്ത്രണംവിട്ട് വി.എൽ.പി സ്കൂളിന്റെ മതിലിൽ ഇടിക്കുകയായിരുന്നു. ഓട്ടോയുടെ അടിയിൽപ്പെട്ട് തലക്ക് ഗുരുതര പരിക്കേറ്റ ബിജോ മുളങ്കുന്നത്തുകാവ് മെഡിക്കൽ കോളജ് ആശുപത്രിയിൽ ചികിത്സയിലിരിക്കെ വെള്ളിയാഴ്ച ഉച്ചക്ക് മരിച്ചു. പുതുക്കാട് പൊലീസ് മേൽനടപടികൾ സ്വീകരിച്ചു.