ചേർപ്പ്: പ്രദേശത്തെ മുതിർന്ന സി.പി.എം നേതാവ് കെ.വി. കുട്ട്യാലി (84) നിര്യാതനായി. അന്തിക്കാട് ചെത്തുതൊഴിലാളി സമരം, ചകിരിത്തൊഴിലാളി സമരം, മിച്ചഭൂമി സമരം എന്നിവയിൽ പങ്കെടുത്ത് മർദനവും ജയിൽവാസവും അനുഭവിച്ചു. അടിയന്തരാവസ്ഥ വിരുദ്ധ സമരത്തിൽ പങ്കെടുത്ത് അറസ്റ്റ് വരിച്ചു. ചേർപ്പ് ഊരകം മേഖലയിൽ കർഷക -കർഷക തൊഴിലാളി പ്രസ്ഥാനം കെട്ടിപ്പടുക്കുന്നതിൽ പ്രധാന പങ്കുവഹിച്ചു. സി.പി.എം ലോക്കൽ കമ്മിറ്റി അംഗം, എട്ടുമുന, കരുവന്നൂർ ബ്രാഞ്ച് സെക്രട്ടറി, പനംകുളം സർവിസ് സഹകരണ സംഘം ഡയറക്ടർ, വൈസ് പ്രസിഡന്റ് എന്നീ നിലകളിൽ ദീർഘകാലം പ്രവർത്തിച്ചു. ഭാര്യ: ഐഷാബി. മക്കൾ: സുലൈഖ, ആബിദ. മരുമക്കൾ: ഇക്ബാൽ, പരേതനായ ഇബ്രാഹിം.