ചേലക്കര: മദ്യലഹരിയിലായിരുന്ന മകൻ കല്ലുകൊണ്ട് തലക്കടിച്ച പിതാവ് മരിച്ചു. കുറുമല കോച്ചിക്കുന്ന് നമ്പ്യാത്ത് ചാത്തൻ (97) ആണ് മരിച്ചത്. മേയ് 16ന് വൈകീട്ടാണ് തർക്കത്തിനിടെ മകൻ രാധാകൃഷ്ണൻ (55) പിതാവിനെ മർദിക്കുകയും തലക്കും ദേഹമാകെയും കല്ലുകൊണ്ട് ഇടിക്കുകയും ചെയ്തത്. ചാത്തൻ ഒരാഴ്ചയോളം മുളങ്കുന്നത്തുകാവ് ഗവ. മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. വീട്ടിലെത്തിച്ച് ചികിത്സ തുടരുന്നതിനിടെയാണ് മരണം. രാധാകൃഷ്ണൻ റിമാൻഡിലാണ്.